Әлки районындагы авариядә дүрт кешенең гомере өзелгән
Фото: «Әлки хәбәрләре»
Бүген Әлки районында Салман һәм Базарлы Матак авыллары арасындагы юлда кеше үлеменә китергән юл-транспорт һәлакәте булган. Бу хакта «Әлки хәбәрләре» газетасы яза.
Якынча мәгълүматлар буенча, «Лада» автомобиленең йөртүчесе тагылмалы тракторга килеп бәрелгән. Һәлакәт нәтиҗәсендә тракторчы һәм җиңел автомобильдәге өч кеше табиблар килгәнче үк һәлак булган. Тагын бер зыян күрүчене авыр хәлдә хастаханәгә озатканнар.
Фото: «Әлки хәбәрләре»