Рөстәм Миңнеханов эш визиты белән Мисырга килде
Татарстан Рәисе Рөстәм Миңнеханов Мисырга эш визиты белән килде. Бу хакта ТР Рәисе матбугат хезмәте җитәкчесе Лилия Галимова хәбәр итте.
Каһирә халыкара аэропортында аны илнең сәнәгать министры Халед Хашем Махер һәм Россиянең Мисырдагы эшләре буенча вакытлыча ышанычлы вәкиле Юрий Матвеев каршы алды.
Фото: © ТР Рәисе матбугат хезмәте
Рөстәм Миңнеханов министрга очрашу өчен рәхмәт белдерде һәм бу сәфәр хезмәттәшлекне ныгытуга ярдәм итәр дип өметләнүен белдерде. Сәфәр программасында – берничә объектта булу һәм эшлекле очрашулар уздыру.