Сургутта Габдулла Тукайның 140 еллыгына багышланган бәйрәм чарасы була

26 апрельдә Сургутта бөек татар шагыйре Габдулла Тукайның 140 еллыгына багышланган чара була. Бәйрәм «Тукай исән: 140 ел – йөрәкләрдә» дип исемләнгән. Бу хакта Сургут татарлары милли-мәдәни автономиясе ВКонтакте социаль челтәрендәге төркемендә хәбәр итә.

Программада:

• шигырь укучылар бәйгесе;
• «Сандугач» коллективы һәм «Ак калфак» хатын-кызлар берләшмәсе чыгышы;
• шагыйрьнең биографиясенә күзәтү;
• шагыйрь әсәрләре буенча ясалган рәсемнәр конкурсы;
• туган телдә аралашу һәм чәй эчү.

Махсус кунак: Габдулла Тукайның унынчы буын туганы Венера Батыршина.