Казанда дары заводында янгын чыккан, зыян күрүчеләр бар
Казанда дары заводында янгын аркасында конструкция өлешчә җимерелде, дип хәбәр итте ТР Рәисе матбугат хезмәте җитәкчесе Лилия Галимова.
«Сәбәп техноген характерда. Зыян күрүчеләр бар. Барлык хезмәтләр дә гадәттән хәл аркасында тиз арада килеп җиттеләр», - дип хәбәр итте Галимова.
Барлык зыян күрүчеләргә медицина ярдәме күрсәтелә. Кешеләрнең тормышына һәм сәламәтлегенә берни дә янамый. Җитештерү туктатылмаган.