Татарстан китап нәшрияты Алсу Исмәгыйлева белән иҗади очрашуга чакыра
22 апрельдә 12.00 сәгатьтә Казан үзәгендә урнашкан Татарстан китап нәшриятының яңартылган китап кибетендә «Татмедиа» акционерлык җәмгыятендә социаль медиалар буенча директор, журналист Алсу Исмәгыйлева белән иҗади очрашу була.
«Алсу Исмәгыйлеваның «Уй + Гамәл = Язмыш» китабы кыска вакыт эчендә киңкүләм укучылар мәхәббәтен яулап өлгерде. Чара барышында автор белән турыдан-туры сорау-җавап форматында аралашу мөмкинлеге булачак. Чара программасында: җанлы аралашу, автор белән иркен мохиттә сөйләшү, аңа сораулар бирү һәм тәэсирләр белән уртаклашу көтелә. Китап сөючеләр сатып алган китапларына автордан эксклюзив автограф ала алачак. Бу очрашу укучылар өчен яраткан авторы белән якыннанрак танышу һәм китапның язылу тарихын белү өчен менә дигән мөмкинлек», – дип билгеләп үтә оештыручылар.