Иртәгә Казанда яшенле яңгыр көтелә

Иртәгә, 18 апрельдә, Казанда аязучан болытлы һава көтелә. Көндез кыска вакытлы һәм яшенле яңгыр булырга мөмкин. Синоптиклар тизлеге секундына 15 метрга җитәчәк көчле җил фаразлый. Төнлә һава температурасы +6..+8 градус булачак, көндез термометр баганалары +13..+15 градусны күрсәтәчәк.

Якшәмбе, 19 апрельдә, республикада яңгырлар ява. Көньяктан искән җил юнәлешен көнбатышка, төньяк-көнбатышка үзгәртеп, җилнең тизлеге секундына 6–11 метрга, урыны белән 14 метрга җитәчәк. Төнлә һава температурасы +4..+9 градус булачак, көндез +9..+14 градуска кадәр җылыначак.

Киләсе атна башында яңгырлы һава торышы саклана. Төньяк-көнчыгыш, көнчыгыш җиле юнәлешен көньякка таба үзгәртеп, секундына 6–11 метр тизлек белән исәчәк. Төнге температура +2..+7 градуска кадәр төшә. Көндез һава +5..+10 градуска, көнчыгышта +14 градуска җылыначак.