Транспорт прокуратурасы аэропортларда пассажирларның хокуклары үтәлешен тикшерә
Идел буе транспорт прокуратурасы Татарстан аэропортларында тоткарланган пассажирларның хокуклары үтәлешен контрольдә тота.
Искәртәбез, Казан, Бөгелмә һәм Түбән Кама аэропортларында пилотсыз куркыныч аркасында бүген иртән самолетларны кабул итүгә һәм чыгаруга чикләүләр кертелде.
Ведомство авиакомпанияләрнең мондый очракларда законда каралган барлык хезмәтләрне пассажирларга күрсәтүен күзәтә.
Аларның хокуклары бозылганда, тоткарланган рейслардагы пассажирлар ярдәм сорап прокуратурага +7 (910) 796-59-45 номеры буенча мөрәҗәгать итә алалар.