Татарстан Премьер-министры ярдәмчесе Ренат Тимерҗанов вафат булган
72 нче яшендә Татарстан эчке эшләр министрының элеккеге урынбасары, ТР буенча элеккеге баш федераль инспектор Ренат Тимерҗанов вафат булган. «Татар-информ»га билгеле булганча, Ренат Тимерҗанов белән хушлашу 10 майда булачак. Хушлашу мәрасименең урыны һәм вакыты турында өстәмә хәбәр ителәчәк.
Соңгы елларда Ренат Зәки улы ТР Премьер-министры ярдәмчесе вазифасын башкарды, ул махсус хәрби операция зонасында Татарстан Республикасы бүлекчәләренә кураторлык итте.