Россия мудофаа вазири "чегарадаги вазият ёмонлашиб бормоқда", деб билдирди

Россия Мудофаа вазири Сергей Шойгу 21 июнь куни вазирликнинг Калининградда ўтказилган кўчма коллегиясида "Россия чегараларидаги вазият ёмонлашиб бормоқда", деб айтди:


-Ғарбий чегараларимиздаги вазият ёмонлашиб бормоқда. Бу НАТОнинг Шарқий Европа давлатларида фаоллашуви билан боғлиқдир. Шимолий Атлантика альянси ҳарбий кучларини Болтиқбўйи давлатларига жамламоқда. Бу эса ғарбдаги ҳамкорларимиз аксилроссия сиёсатидан бош тортмаётганини англатади, -деди Шойгу.


19 июнь куни НАТО Болтиқбўйи давлатлари ва Польшага ҳарбийларни кўчириш ишлари якунланганини маълум қилган эди. Мазкур минтақадаги ҳар бир давлатга 1200 нафардан НАТО ҳарбийси кўчирилган.