Сербия президенти аҳоли вакилларидан айримларига уй ва трактор совға қилди
0
Сербия президенти Александр Вучич Косовога президент билан учрашиш учун келган инсонларнинг иккитасига уй ва трактор совға қилди.
Хабар берилишича, улар маданият уйининг мажлислар залида 6 соат давомида суҳбат қуришган ва президент улардан бирига уй, яна бирига трактор беришни ваъда қилган. Йиғилганларнинг умумий сони 100 дан ортиқ эди.
Президент билан бўлган суҳбатнинг асосий қисми ишсизлик, тураржой мавзуси, она тилида таълим олиш, тиббиёт ва ижтимоий муаммолар мавзуларида ўтган.
“Агар 4 та фарзандингиз бўлса, бешинчисини ҳам дунёга келтиринг. Сизга фабрикалар очиб берамиз ва инвесторларни олиб келамиз” деди Вучич суҳбат чоғида.
Сербия президентининг Косовога ташрифи маҳаллий сиёсатчи Оливер Иванович ўлдирилганидан сўнг аҳоли вакилларини тинчлантириш мақсадида уюштирилди.