Ўйлаб кўрдингизми? 2020 йил 11 январ куни юлдузлар сизга нималарни ваъда қиларкин?
ҚЎЙ (21. 03 — 20. 04)
Бугун қўй буржи вакиллари ҳар қандай жасоратни кўрсатишга тайёр бўлади. Лекин бу жасоратларингизни ҳеч ким пайқамайди. Пайқаганлари ҳам танқид қилишдан нарига ўта олмайди. Молиявий масалада бировларга вассал бўлишдан сақланинг. Агар интуицияга қулоқ тутмасангиз, умуман бир тийинсиз қолиб кетишингиз ҳеч гап эмас. Муҳим ҳужжатлар билан ишлаганда тартибга алоҳида амал қилинг. Саломатликни асранг. Асабни эҳтиёт қилинг.
БУЗОҚ (21. 04 — 20. 05)
11 январ куни атрофдагилар билан муносабатларда ёрқин лаҳзаларгина сизга ҳамроҳлик қилади. Ташқарида қиш бўлишига қарамай, руҳан енгил бўласиз. Қалбингиз қайнайди. Зиммангизга юкланган барча вазифаларни соф кўнгил билан адо этинг. Ҳеч бирини эртанги кунга қолдирманг. Муҳаббатингиз ҳақиқий бўлса, барча ҳаракатларингиз ҳақиқатга айланади. Мушкулотлар, тўсиқлар йўлингизга кўндаланг бўлмайди. Кечқурун тоза ҳаво сайрига чиқишни унутманг.
ЭГИЗАКЛАР (21. 05 — 21. 06)
Ҳаётда нимага эришмоқчи бўлсангиз, фақат ҳаракат талаб этилади. Ният қилиш бошқа, уни ҳақиқатга айлантириш буткул бошқа масала. Кимларгадир ишониб қолманг. Ўз тақдирингизни аввало худодан сўранг. Қолганини эса ўз ҳаракатларингиз ёрдамида амалга оширинг. Кун давомида профессионал касбингиз билан боғлиқ иш масаласида фойдали таклифлар келиб тушади. Уларни эътиборсиз қолдирмасангиз, омадингиз келгани ўша. Яқин манзилга уюштириладиган сафар албатта муваффақиятли якун топади.
ҚИСҚИЧБАҚА (22. 06 — 22. 07)
11 январда севган инсонингиз осмондаги юлдузни олиб беришингизни сўраса, сиз тайёр турасиз. Сиздаги куч ва имкониятлар шу қадар кўпки, чек-чегараси йўқдек. Ишхонангиздаги ишларни аъло даражада бажариб қўйишингиз натижасида ҳам моддий манфаат кўрасиз, ҳам жамоадаги обрўйингиз ошади. Бировларнинг ишига аралаша кўрманг. Бировларни ғийбат қилишни хаёлингизга ҳам келтирманг. Ўзингизни эҳтиёт қилинг.
АРСЛОН (23. 07 — 23. 08)
Кунингиз унумли кечади. Нимаики ишга қўл урманг, имкониятлар эшиги ланг очиқ бўлади. Қатъият ва сиздаги азарт кўз кўриб қулоқ эшитмаган ижобий натижаларни ҳадя этиши мумкин. Оилавий ҳаётингизда сезиларли ўзгаришлар ясанг. Яқинларингизнинг юзини ерга қаратадиган ишга қўл урманг. Бугун спортнинг ҳар қандай тури сизга минус келтиради. Шунинг учун бу машғулотларни бошқа кунга қолдиришингиз тавсия этилади.
ПАРИЗОД (24. 08 — 22. 09)
11 январ куни паризод буржи вакилларининг қалбида баҳор нафаси уфуриб туради. Сиз энг тажрибали ва ўз ишининг усталари билан бир сафда меҳнат қилиш бахтига эришасиз. Бу ҳам тақдирнинг бир совғаси-да, тўғри эмасми? Бир неча соатда раҳбарларингиз топширган ишларни қойиллатиб, бемалол дам олиш имконига ҳам эга чиқасиз. Оила аъзоларингиз билан баҳслашманг. Уларнинг фикрини ҳам инобатга олинг.
ТАРОЗИ (23. 09 — 23. 10)
Тарози буржининг оиласиз вакилларидан бири кимнидир севиб қолган чиқади. Бу кунингиз ажойиб тарзда ўтади деганидир. Сиз ерда қадам ташлаб юрмайсиз, гўё парланган ҳолда муаллақ ҳаракатланасиз. Ишларингиз енгил кечади, дўстларингиз сизни фақат мамнун этиш илинжида бўлади. Аммо саломатлигингизни қатъий назорат остида ушлашингиз керак бўлади. Овқатланиш режимига амал қилиш ва вақтида дам олиш сизни турли кўнгилсиз ҳолатлардан асрайди.
ЧАЁН (24. 10 — 22. 11)
11 январда саломатлигингиз панд бериши мумкин. Агар баҳона топиб даволанишдан қочадиган бўлсангиз, хасталик ойлабларга чўзилиши ҳеч гап эмас. Укол ва таблеткалардан қўрқиш сизга ярашмайди. Янги иш бошлаш учун энергия заҳирангиз етарли эмас. Тадбиркор бўлсангиз, молиявий манфаат кўриш учун ҳамкорларга ҳам қулоқ тутинг. Шунда бизнесингиз яйраб яшнайди. Оллоҳ сизга ёр бўлсин!
ЎҚОТАР (23. 11 — 21. 12)
Куннинг биринчи ярмида ишхонангиздаги ҳамкасблар сизни танқид остига олишлари мумкин. Уларнинг айримлари адолатсизларча ўйлаб топилган танқидлар бўлиб чиқади ва сиз бунга чидай олмайсиз. Жанжаллашишдан сақланинг. Жанжал яхшилик келтирмайди. Кечқурун эртароқ ухлашга ётишга ҳаракат қилинг. Компьютер қаршисида узоқ қолиб кетманг. Агар шахсий автомобилингизда сафарга отлансангиз, олдин машинанинг техник ҳолатини яхшилаб кўздан ўтказишингиз тавсия этилади.
ТОҒ ЭЧКИСИ (22. 12 — 19. 01)
11 январ куни эрталабдан тўғри йўлни танласангиз, кун давомида адашмайсиз. Режадаги барча ишларни ўз вақтида ва сифатли бажариб қўйишингиз керак бўлади. Оиласиз бўлсангиз, сизни бугун романтик учрашув кутади. Учрашувга кечикманг. Сиздан қарзи борларга яна бир бор қарз ҳақида эслатиб қўйсангиз, кечқурунга бориб яна киссангиз пулга тўлади. Кечқурун оилалилар қалбига эҳтирослар меҳмон бўлади. Соғлиғингизни асранг. Ҳали у сизга кўп керак бўлади.
ҚОВҒА (20. 01 — 18. 02)
Бугун «аммо», «кейин» деган сўзларни тилга кўчириш тугул хаёлингизга ҳам келтирманг. Чунки бугунги кун сизга ўзингиз истагандан ҳам кўпроқ моддий манфаат келтиради. Ўзингиз ёқтирган инсон сизга сюрприз тайёрлаб қўйган бўлиши мумкин. Уни ранжитманг. Миннатдор бўлинг. Олисга уюштириладиган сафар муваффақиятли кечади. Лекин харажатларни ҳаддидан ошириб юборманг. Кечқурун айримларнинг хонадонида чақалоқ дунёга келиш эҳтимоли бор.
БАЛИҚ (19. 02 — 20. 03)
11 январда тадбиркорлар қўшимча моддий манфаат келтирадиган келишувларга эришишади. Сизга бугун албатта омад кулиб боқади. Яқин манзилга жамоат транспортида қилинган сафар сизни ҳолдан тойдириши мумкин. Лекин бу яхшиликка. Агар шахсий автомобилингизда йўлга чиқсангиз, кўнгилсизликларга дуч келишингиз мумкин эди. Кўпроқ вақтингизни тоза ҳавода пиёда сайр қилишга бағишланг. Спорт машғулотлари билан шуғулланганда, организмни жисмонан зўриқтирманг.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади