Ўйлаб кўрдингизми? 2020 йил 22 январ куни юлдузлар сизга нималарни ваъда қиларкин?
ҚЎЙ (21. 03 — 20. 04)
Позитив кайфиятга эга бўлишингиз учун арзирли сабаб бўлиши лозим. Масалан, севимли хоббингизни ёдга олинг. Ёки болаликдаги энг севимли машғулотингизни эсланг. Иш масаласида ўзингизни ўзингиз боши берк кўчага олиб киришга уринманг. Сиз кучли истеъдод соҳибисиз. Молияга келсак, катта пул сарфлашингиз кутилади. Аммо пулларингиз арзирли нарсага сарфланади. Оила, рўзғор, уй учун харажатлар қиласиз.
БУЗОҚ (21. 04 — 20. 05)
22 январ куни зиммангизга ўта масъулиятли вазифа юкланади. Бу ё ишхонада, ёки шахсий ҳаётда кўзга ташланади. Ташвиш чекманг. Бу вазифани аъло даражада уддалай биласиз. Кун давомида камроқ гапириб, кўпроқ ишлашингиз талаб этилади. Жуфтингиз билан муносабатларда мулоҳазалироқ бўлишингиз тавсия қилинади. Кечқурун тоза ҳавода сайр қилинг. Саломатлигингизни асранг. Овқатланиш режимини бузманг. Оллоҳ сизга ёр бўлсин!
ЭГИЗАКЛАР (21. 05 — 21. 06)
Бугун куннинг биринчи ярмида ёшлик пайтларингизда қаттиқ севган инсонингизни учратиб қолишингиз кутилмоқда. Аммо бўлар-бўлмас гапларни гапириб қўйишдан тийилинг. У ўтмишда қолганини унутманг. Сиз эса бугунги кун билан яшашингиз лозим. Тадбиркорлар, раҳбар лавозимда ишловчиларнинг зиммасига қўшимча вазифалар юкланиши мумкин. Ярим тунга қадар қоғозларга, ҳужжатларга кўмилиб ўтиришингиз мумкин. Бироқ даромад ҳам кейинчалик шунга яраша бўлади.
ҚИСҚИЧБАҚА (22. 06 — 22. 07)
22 январда вақт ва кучни ақл билан тақсимлашингизга тўғри келади. Шунда ишларингизда росмана унум кўзга ташланади. Агар омад қучоғида яшашни истасангиз, бировларнинг кўрсатмалари, маслаҳатларидан воз кечинг. Бошқаларга камроқ эътибор қаратинг. Қариндошлардан кимдир асабингизга тегиши, оқибатда орангизда жиддий баҳс юзага келиши мумкин. Сукут сақлаган ҳолда жанжалга барҳам берсангиз, яхши бўларди.
АРСЛОН (23. 07 — 23. 08)
Бугун ишдан кўра, дам олиш сизга кўпроқ наф беради. Шунинг учун табиат қўйнига чиқиб кетиб дам олсангиз, ёмон бўлмасди. Бировлар билан масала талашишдан тийилишингиз сўралади. Хасталикларни бугун халқона усуллар ёрдамида даволашга эътибор қаратинг. Муҳим ҳужжатларга имзо чекиш зарурати туғилса, бу амални кейинга суринг. Кечқурун хонадонингизга чақирилмаган меҳмонлар кириб келиш эҳтимоли бор. Тайёр туринг.
ПАРИЗОД (24. 08 — 22. 09)
22 январ куни паризод буржи остида таваллуд топганлар миш-миш ёки ғийбатларга эмас, аниқ фактларга ишонишлари керак. Ҳатто, энг яқин дўст деб билганингиз қайсидир масалада ўзининг ҳақлигини исботлашга уринса ва сизни ортидан эргаштиришни ният қилган бўлса, етовига тушиб кетиб қолманг. Куннинг иккинчи ярмида нотаниш даврага тушиб қолишингиз, шу ерда янги танишувларни бошдан кечиришингиз мумкин. Серқатнов йўлларда кўнгилсизликлар кўзга ташланиш хавфи бор. Яхшиси, уйда ўтиринг.
ТАРОЗИ (23. 09 — 23. 10)
Бугун сигарет чекмайдиган, ичкилик ичмайдиган, спорт билан шуғулланадиганлардан ўрнак олишингиз керак. Зарарли одатлардан воз кечишингиз учун бугунги кун жуда қулай кечади. Агар воз кечмасангиз, саломатлигингизни хавф остида қолдирасиз. Парҳез тутаётган бўлсангиз ҳам бу амални меъёрдан оширмаслигингиз тавсия этилади. Кечқурун оиласизлар романтик лаҳзаларга ошно тутинишади.
ЧАЁН (24. 10 — 22. 11)
22 январда ўзингизда шеъриятга истеъдод борлигидан фавқулодда хабар топасиз. Ҳиссиётлар шунга мажбур этади. Ишхонангизда ёш ҳамкасблардан бой тажрибангизни дариғ тутманг. Башарти янги жамоада илк бор иш бошлаётган бўлсангиз, қанчалар профессионал эканингизни барчаларига кенг намойиш этинг. Эндигина шахсий бизнесини бошлаганлар бугун албатта омадга эришади. Мўмай даромад сизни четлаб ўтмайди.
ЎҚОТАР (23. 11 — 21. 12)
Кескин қадамлар ташлаш, фавқулодда қарорлар чиқаришга шошилманг. Улар сизни жар ёқасига бошлашдан бошқасига ярамайди. Молия масаласида кунингиз туғади. Ўзингиз хоҳлагандан ҳам кўпроқ пул топасиз иншооллоҳ. Лекин ўзингиз учун азиз инсонларга атаб совғалар сотиб олишга ҳам анча-мунча пул сарфлайсиз. Соғлиғингиз безовта қилаётган бўлса, фақат врач маслаҳати билан муолажалар бошланг. Ўзингизга ўзингиз табиблик қилишдан тийилинг. Ухлашга ётишдан олдин фақат сут маҳсулотлари билан чекланинг.
ТОҒ ЭЧКИСИ (22. 12 — 19. 01)
22 январ куни овқатланиш масаласига жиддий эътибор қаратинг. Меъёридан ортиқ овқат сизни хасталантириб қўйиши ҳеч гап эмас. Ошқозонингизни эҳтиёт қилинг. Оиласизлардан айримларнинг муҳаббати нафратга эврилиш арафасида турибди. Уни сақлаб қолишингиз лозим. Керак бўлса, бўлғуси жуфтингизга керагидан кўпроқ меҳр-оқибат кўрсатинг. Кечқурун баъзилар иши билан боғлиқ ёқимли хабар эшитади.
ҚОВҒА (20. 01 — 18. 02)
Бугун худо сизга ғалабага эришишнинг энг қисқа йўлини ҳадя этади иншооллоҳ. Тўғри, сизни йўлдан урувчилар, оёғингиздан чаладиганлар керагича топилади. Медитация ҳамда танани бўшаштирувчи амаллар бугун катта фойда беради. Агар илгари ҳеч қачон улардан фойдаланиб кўрмаган бўлсангиз, яна яхши. Баҳонада ўрганасиз. Нотаниш одамлар билан мулоқотда уларнинг фикрларини оёқости қилманг. Омад сизга ёр бўлсин!
БАЛИҚ (19. 02 — 20. 03)
22 январда тақдирнинг энг оғир синовларини бошдан кечиришингизга тўғри келиши мумкин. На илож, бу синовлардан ўтишга мажбурсиз. Чунки уларни забт этмасангиз, бошингиз кўнгилсизликлардан чиқмай чарчатади. Муҳаббатда ёлғизларнинг иши юришмаётган бўлса, ташвиш чекишга ҳожат йўқ. Ёпилган эшикни қайта тақиқлатишдан фойда йўқ. Эмоциянгизни кучли назоратда ушланг. Ким бугун хориж сафарига отланса, албатта муваффақият қозонади.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади