Ўзбекистон чемпионати ўйинлари 5 июнь кунидан томошабинсиз давом эттирилишига рухсат берилди. Шунга қарамай, мусобақани ўтказувчи ташкилот ва клублар олдига бир қанча вақтинчалик янги талаблар қўйилган. Хусусан, ПФЛ COVID-19 пандемияси даврида профессионал футбол клубларининг машғулотлари ҳамда мусобақаларини ташкил қилиш тўғрисидаги вақтинчалик санитария-гигиена қоида ва меъёрларини жорий этган. Хўш, Суперлига ва Про-лига клублари карантин даврида қандай тақиқ ва ўзгаришларга амал қилишлари шарт? Tribuna.uz 6 бобдан иборат карантин қоидаларининг энг асосий 10та бандини саралади. 1. Учрашув давомида стадионга киритилган барча персонал карантин нормаларига (шахсий ҳимоя воситаларига) қатъий риоя қилиши шарт. Уларга тупуриш, оғиз чайқалган сувни оммавий жойга (айниқса футбол майдонига) ташлаш каби санитария қоидаларини бузиш тақиқланади. Футболчилар оғиз чайиши ҳамда оғиздаги сувни ташлаши учун алоҳида идишлар, яъни, туфдон қўйилган нуқталарни ташкил этиш тавсия этилади. 2. Санитария қоидалари асосида ҳар бир футбол клуби расмий учрашув учун 35 кишидан кўп бўлмаган иштирок этувчилар (футболчилар, мураббийлар штаби, раҳбарият ва ҳоказо) рўйхатини шакллантиради. 3. Учрашувга 48 соат вақт қолганида футболчилар, мураббийлар ва бошқа расмий персоналлар ОАВ вакиллари ҳамда мухлислар билан учрашиши мумкин эмас. 4. Биринчи давра ўйинлари якунига қадар 5 нафаргача футболчи алмаштириш учун рухсат этилади. Улар бу ўзгаришларни уч имконият давомида амалга оширишлари керак бўлади. 5. Учрашув олдидан икки жамоа вакиллари ва ҳакамларнинг ўзаро қўл бериб кўришиш тақиқланади. 6. Coca Cola бренди фонида жамоавий расмга тушишда футболчилар ижтимоий масофа сақлайди ҳамда бир-бирига тегиниб турмайди (зиг-заг усулида). 7. Футболчилар голни нишонлаётганда ижтимоий масофа сақлайди ва голни жамоавий нишонлашга йўл қўйилмайди. 8. Матбуот анжуманида иштирок этаётган футболчи ва мураббийлар микрофон, диктофон каби воситаларга тегиниши, уларни бир жойдан бошқа жойга суриши мумкин эмас. 9. Техник зонада жойлашган захира ўриндиғида фақатгина бош мураббий, ёрдамчи мураббий, шифокор ҳамда массажчига ижтимоий масофани сақлаш шарти билан рухсат этилади. Қолган барча персоналлар ва захира футболчилари ижтимоий масофани сақлагани ҳолда мухлислар трибунасидан жой олади. 10. Республика махсус комиссияси рухсат бергунига қадар учрашувлар томошабинларсиз ўтказилади. У.Ибодов тайёрлади.
За один день работники Уссурийского ЛРЗ и их дети выполнили сменно-суточное задание по ремонту 129 паровозиков
Филиал № 4 ОСФР по Москве и Московской области информирует:
В Московском регионе более 62 тысяч семей распорядились материнским капиталом через банки
"Святой Ленин" спасает мир и возглавляет "восстание ИИ машин... хороших по существу". 8 серия, СЕРЬЁЗНЫЕ НОВОСТИ.
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
Политолог из США: Россия демонстрирует свое процветание, проводя ПМЭФ
«Ъ»: руководителю ЧВК «Енот» Молокоедову грозит срок в 14,5 года
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
Филиал № 4 ОСФР по Москве и Московской области информирует:
В Московском регионе более 62 тысяч семей распорядились материнским капиталом через банки
