Пахлаванинг бу тури тез ва осон

Севиб истеъмол қилинадиган ушбу шарқона ширинлик анъанавий рецептдан кўра тезроқ тайёрланади.

Керакли маҳсулотлар:

ёнғоқ – 350 грамм;
шакар упаси – 50 грамм;
долчин – 1 соҳ қошиқ;
сариёғ – 150 грамм;
қат-қат хамир – 1 килограмм;
тухум – 1 дона;
асал – 250 грамм;
сув – 100 мл;
шакар – 100 гармм.
Тайёрланиш жараёни:

Печ 180 даражада олдиндан қиздирилади. Қолипга пергамент қоғоз жойлаштирилади.
Ёнғоқ, шакар упаси ва долчин блендер ёрдамида аралаштирилади. Сариёғ эритилади.
Хамир 6-8 бўлакка бўлинади. Бўлаклардан иккитаси қолганларидан каттароқ бўлиши керак.
Хамирнинг битта катта бўлаги қолипга жойлаштирилади, устидан эритилган сариёғ суртилади. Сўнгра ёнғоқ бир қатлам қилиб сепилади.
Устидан кичик хамир қатлам қилиб терилади ва ҳар бирининг устига сариёғ суртиб, ёнғоқ сепилади.
Энг тепасида хамирнинг иккинчи катта бўлаги ёпилади ва четидан ортиқча хамир кесиб олинади.
Тухум кўпиритилиб, хамир юзасига суртилади. Пичоқ ёрдамида ромб шакли берилади.
Пахлава қизаргунга қадар 40-50 дақиқа давомида пиширилади.
Асал, сув ва шакар аралаштирилади. Қайнатишга қўйилади ва қуюқлашгач оловдан олинади.
Пахлава печдан олиниб, асалли аралашма суртилади ва ёнғоқ билан безак берилади.
Сўнгра яна печга 3-5 дақиқага қўйилади.
Иссиқ паҳлава худди суратдагидек шаклда бўлинади ва устидан қолган сироп қуйилади.