“Рома” Конференциялар лигаси гуруҳ босқичининг тўртинчи турида ўз мухлислари гувоҳлигида “Будё-Глимт” жамоаси билан 2:2 ҳисобида дуранг ўйнади. Ушбу баҳсда Элдор Шомуродов 66-дақиқада Николо Дзаньоло ўрнига майдонга тушди. Италия футболини ёритишга ихтисослашган www.calciomercato.com сайти “Рома” футболчиларининг ўйинини баҳолаб чиқди. Руй Патрисиу, 5.5 балл Норвегиялик футболчилар португалиялик дарвозабон учун даҳшатга айланиб қолди. Катта камчиликлари кўзга ташланмасада, Руй Патрисиу иккита ўйинда “Будё-Глимт” ўйинчиларидан саккизта тўп ўтказиб юборди. Рик Карсдорп, 5 балл Нидерландиялик ҳимоячи жой танлашда кўп адашмоқда. Айрим вазиятларда қарор қабул қилишни чўзиб юборяпти. Бу кўпинча “Рома”нинг тезкор қарши ҳужум қилишига тўсқинлик қилмоқда. Жанлука Манчини, 5.5 балл “Рома” ҳимоячилари орасида энг тезкори. Иккинчи гол ўтказиб юборилганидан кейин вазиятни ўнглашга ҳаракат қилди. Брайан Кристанте, 5.5 балл Авваллари ҳужумкор футболчи вазифасини бажарган Кристанте ҳимояга мослашишга қийналмоқда. Дастлабки дақиқаларда икки марта хавфли вазият юзага келишига сабабчи бўлди. Бу учрашувда ҳимоядан ҳужумга ўтишни ташкил қилишда Кристанте масъул эди. У буни уддалай олмади. Бироқ, Брайан аниқ тўп узатишлари билан ҳам эътиборни тортди. Рожер Ибаньес, 6 балл Рақиб футболчиси Солбаккенга қаршилик қилиш учун тезкор ҳимоячи керак экан. Рожерга очиқчасига тезлик етишмади. Унинг хатоларини ўйин охирида гол уриб, ҳисобни тенглаштиргани ва “Рома”ни яна бир шармандали мағлубиятдан қутқариб қолгани ювиб кетди. Эбрима Дарбое, 4 балл Бу ўйинчи аввалги мағлубиятдан хулоса чиқармаган кўринади. Норвегиялик футболчиларнинг аксарияти Дарбоенинг борлигини сезгани йўқ. Жамоадошларини огоҳлантириш керак бўлган паллада ҳам ярим ҳимоячи жим юраверди. Жуда кўп хато қилди. Гонсало Вильяр, 5.5 балл Дарбое ўрнига майдонга тушган испан ярим ҳимоячиси курашга чанқоқ эканини кўрсатди. Бир неча марта рақибдан тўпни олиб қшйди. Бироқ Вильяр ҳам “Будё-Глимт” етакчиси Ботхеймга етарлича қаршилик қила олмади. Николо Дзаньоло, 4.5 балл Николо рақиб дарвозасига хавф солиб турди, лекин ҳаракатларининг аксарияти бесамар кетди. Истеъдодли футболчи айрим вазиятларда ҳужумчиларга тўп етаказиб беришда кечикди. Унинг тўп йўқотишидан кейин норвегияликлар иккинчи бор ҳисобда олдинга чиқиб олди. Элдор Шомуродов, 5.5 балл Ўзбек ҳужумчиси Николо Дзаньоло ўрнига майдонга тушди. Анча фаол ўйнади. Шомуродов ўзига берилган вақт давомида гол уриш учун бир жуфт имкониятга эга бўлди. Бироқ, гол уришни унутиб қўйган ҳужумчи бундан фойдалана олмади. Генрих Мхитарян, 4 балл Авваллари кўп гол уришга қодир бўлган футболчи ҳозир майдонда ўзига позиция қидириш билан овора. Шижоат етишмаётгани кўриниб қолди. Унинг ўрнига майдонга тушган Карлес Перес ишончлироқ ўйнади ва испаниялик футболчининг ҳаракатлари 5.5 баллга лойиқ кўрилди. Стефан Эл-Шаарави, 6.5 балл Стефан иродаси букилмас ва тезкор футболчи экан. У икки марта ҳимояни ёриб ўтолмаганига қарамай, мақсад сари интилишдан тўхтамади. Натижада Эл-Шаарави жамоасининг биринчи голини киритиб, ҳисобни тенглаштирди. Тэмми Абрахам, 5 балл Абрахам яна ўзини кўрсата олмади. Гўё жамоадошлари билан мустаҳкам алоқа ўрната олмаётгандек кўринмоқда. Унинг ўрнига майдонга тушган Борха Майораль бир неча дақиқа ичида иккита хавфли пас оширди. Ҳисобни тенглаштирган гол айнан испан ҳужумчисининг пасидан сўнг киритилди. Шунга яраша Борха 6.5 балл билан баҳоланди. Жозе Моуриньо, 4.5 балл Моуриньога норвегияликлар яна бир бор дарс бериб қўйди. Моуриньо шогирдлари майдоннинг ҳар бир қисмида кўп марта хатога йўл қўйди. Португалиялик мутахассисни таркиб танлашдаги камчиликлари ҳам етарли. У асосан бир хил таркибни ўйинга қўймоқда. Иккинчи бўлимда майдонга туширилган футболчилар ҳақиқатан ўйинни кучайтирди. Балки кейинги гал айнан захирадаги ижрочилардан фойдаланган маъқулдир?
Автопробег в честь Дня России прошел в Ленинском округе
«Школа вожатых» прошла в школе №7 в Реутове
Филиал № 4 ОСФР по Москве и Московской области информирует:
Свыше 5,2 миллиона жителей Московского региона получают набор социальных услуг в натуральном виде
Семинар библиотекарей Ленинского округа прошел в Центральной библиотеке
Филиал № 4 ОСФР по Москве и Московской области информирует:
Свыше 5,2 миллиона жителей Московского региона получают набор социальных услуг в натуральном виде
Путин присвоил двум тулячкам звания "Заслуженный врач Российской Федерации"
Инго Экосистема стала победителем национальной премии FinTech Awards Russia
Часы вновь заработали на фасаде Московского вокзала в Нижнем Новгороде
Владимир Путин, Дмитрий Медведев, Анатолий Голод: ПРИЗНАНИЕ НАТО НАДО ПРИМЕНЯТЬ!
В Московской области сотрудники Росгвардии задержали подозреваемого в краже электроинструментов
Филиал № 4 ОСФР по Москве и Московской области информирует:
Свыше 5,2 миллиона жителей Московского региона получают набор социальных услуг в натуральном виде
Попурри мелодий и дух патриотизма: военный оркестр в парке «Кузьминки» отметил День России
