Берлинда Ангела Меркелнинг 20 йиллик портретлари акс этган китоб тақдимоти ўтказилди
11-нояб куни Берлиндаги Фанлар академияси залида Истеъфога кетаётган Германия канцлери Ангела Меркелнинг портретлари жамланган китоб тақдимоти ўтказилди, деб хабар беради «Интерфакс».
Херлинде Келбл исмли таниқли немис сураткаши 1991 йилдан бошлаб бир нечта таниқли немис сиёсатчиларини суратга олган, жумладан, улар орасида собиқ канцлер Герхаард Шредер, собиқ ташқи ишлар вазири дел Ёшка Фишер ва Меркель бор. Келбл 30 йил давомида Меркелга сураткаш сифатида ҳамроҳлик қилган.
«Мен ҳокимият одамларни нафақат руҳий, балки жисмоний жиҳатдан ҳам ўзгартиришини билмоқчи эдим. Фишер ўшанда ҳокимият одамларни улар эгаллаган жойдан кўра тезроқ ўзгартиришини айтганди», — дейди муаллиф ўз тақдимотида.
Лойиҳа учун у оддий концепцияни танлаган — кадрда фақат Меркель оқ девор фонида бўлиши керак, хонада агар бирор буюм бўлса, у ҳам стул, аммо энг муҳими — ҳокимиятнинг бошқа ҳеч қандай рамзи бўлмаслигида.
«Меркель ҳеч қачон суратларимни назорат қилишга уринмаган. У ҳатто ҳозир ҳам китобим чоп этилмагунча, унга танланган суратларни кўргани йўқ», — дея ойдинлик киритади муаллиф.
Келблнинг баҳолашича, Меркель шуҳратпарастлик каби нарсалардан буткул йироқ. Шуҳратпарастлик — бу кўпчиликнинг Ахиллес пайи ҳисобланади, кўплаб эркаклар Ангела Меркелдан кўра кеккайган», — дея ҳисоблайди сураткаш.
Келблнинг сўзларига кўра, 1998 йилда Меркель биринчи бор ўзининг машҳурликка эришган ишорасини кўрсатган — қўлларини «уй» шаклида бирлаштириш, шундан кейин ушбу ишорадан кўпчилик фойдаланган ёки бу борада ҳазил қилган. Келблнинг таъкидлашича, Меркелни суратга олиш унинг учун алоҳида аҳамиятга эга ва у ажратилган вақт учун Германия канцлеридан миннатдор.
Эслатиб ўтамиз, 27 сентябрь куни бўлиб ўтган Германиядаги парламент сайловларида амалдаги молия вазири Олаф Шолс раҳбарлигидаги Социал-демократик партия (ГСДП) ғалаба қозонди. Унга сайловчиларнинг 25,7 фоизи овоз берди, ушбу натижага мувофиқ у янги Бундестагда 206 та ўринга эга бўлади.
Сайлов якунларига кўра, Ангела Меркель канцлер лавозимини тарк этади. У ҳукумат раҳбарлигини ўз ихтиёри билан топширишга ва сайловларда қатнашмасликка қарор қилганди.