Луисма Эрнандес: "Ўзбек футболига Испания методологиясини олиб кирмоқчимиз" — Бизга қўшилинг: ???? https://t.me/joinchat/AAAAADwt0NGCRoONT4f1_Q

Суперлиганинг 7-туридан ўрин олган "Металлург" – "Қизилқум" (1:1) учрашувидан сўнг мезбонлар бош мураббийи Луисма Эрнандес фикрлари билан ўртоқлашди. - Ўйин ҳақида - Эҳтиросларга бой ўйин бўлди. Биринчи таймда вазиятлар ҳосил қилиб, 1 та гол уриб олдик. Иккинчи таймда кўпроқ ҳимояга ва қарши ҳужумга таяниб ўйнадик. "Қизилқум"да 2 та имконият бўлди, шулардан 1 тасидан фойдаланди ва дарвозамизга тўп киритди. - "Металлург" 2019 йилдан буён "Қизилқум"ни мағлуб эта олмайди. Бугун тайёр ғалаба қўлдан чиқарилди... - Бизга иккинчи гол етишмади. - "Металлург" ҳар доим иккинчи рақамли жамоа сифатида ҳаракатланмоқда. Стандартлар устида алоҳида ишланар экан, аммо қарши ҳужумлар мақтанарли эмас. Бу борада иш олиб бориладими ўзи? - Албатта, машғулотлар жараёнида ҳимоя ва ҳужумда тактик ишланмаларни йўлга қўйиш устида иш олиб борамиз. Қарши ҳужумлар бўйича ҳам ишлаймиз, аммо футболчиларнинг ижодкорлиги ва тўғри қарор қабул қилишида ҳам гап катта. - "Металлург" футболчиларининг жисмоний ҳолатидан қониқяпсизми? - Ўзбек футболига Испания методологоясини олиб кирмоқчимиз. Ҳозирги кунда машғулотларда қаттиқ меҳнат қиляпмиз. Юкламалардаги муаммо жисмоний тарафдан эмас, иссиқ об-ҳаво туфайли рўй бермоқда. - Асосий ҳимоячи Аббос Отахонов нега майдонга туширилмади? - У машғулотлар давомида кичик жароҳат олган. Шу боис таваккал қилмадик ва уни кейинги баҳсларга сақлаб қўйдик. - Охирги ўзгаришдан (90+6-дақиқада Фаррух Иброҳимов ўрнига Ҳакимхон Аламхонов туширилди – таҳр.) нима мақсад кўзланганди? Чунки ўйин тугаш арафасида футболчи бурчак зарбасига ёрдамга бориши қийин эди... - Сабаби Иброҳимов охирги дақиқаларда ўзини ёмон ҳис қилди, уни алмаштирмасак бўлмасди.