Андижондаги уйдан икки нафар боланинг жасади топилди
Андижондаги уйдан икки нафар боланинг жасади топилди. Бу ҳақда вилоят прокуратураси хабар берди.
Аниқланишича, Андижон шаҳар Зафар кўчаси 4-уйда яшаб келган вояга етмаган С.Ў. ва Р.Ў нинг жасади яшаш хонадонидан қотиллик аломатлари билан топилган.
Мазкур ҳолат юзасидан Андижон шаҳар прокуратураси томонидан жиноят кодексининг 97-моддаси 2-қисми “а” банди билан жиноят иши қўзғатилган.
Ҳозирда жиноят иши бўйича дастлабки тергов ҳаракатлари вилоят прокуратурасининг ўта оғир жиноятларни тергов қилиш бўлими томонидан ўтказилмоқда.
Тергов ҳаракатлари шахсан вилоят прокурори томонидан назоратга олинган.