Столтенберг яқин кунларда Финляндиянинг НАТОга киришига умид билдирди
НАТО Бош котиби Йенс Столтенберг Финляндия яқин бир неча кун ичида альянсга қўшилиши кутилаётганини айтди.
“Яқин кунларда Финляндия расман альянсга қўшилади”, — дея унинг сўзларидан иқтибос келтирган РИА Новости.
Столтенберг, шунингдек, 11 июл куни альянс саммити олдидан Швециянинг НАТОга аъзолигини ратификация қилишга эришиш ниятида эканлигини маълум қилди.
Туркия парламенти Финляндиянинг Шимолий Атлантика альянсига қўшилиши ҳақидаги протоколни ратификация қилувчи қонун лойиҳасини маъқуллади.