Тошкентда “Malibu-2” ҳайдовчисига чора кўрилди

Пойтахт ИИББ Йўл ҳаракати хавфсизлиги бошқармаси матбуот хизмати хабар беришича, ижтимоий тармоқларда “Malibu-2” автомобили ҳайдовчисининг қаршилама йўлакда ҳаракат қилаётгани акс этган видео тарқалди. Ҳайдовчи Тошкент шаҳрининг марказий кўчаларидан бирида йўл ҳаракати қоидаларини қўпол равишда бузган.

Мазкур ҳолат юзасидан ички ишлар органлари ходимлари текширув ўтказиб, ҳайдовчининг шахсини аниқлади. Унинг ҳаракатлари Ўзбекистон Республикаси Маъмурий жавобгарлик тўғрисидаги кодексининг “Транспорт воситалари ҳайдовчилари томонидан тўсиқ ёки авария ҳолати яратиш, қаршилама йўналишдаги йўлга чиқиш” моддаси бўйича қайд этилди.

Ҳайдовчига нисбатан 10 базавий ҳисоблаш миқдорида (3 750 000 сўм) жарима белгиланди.