Элдор Шомуродовни олиш учун А Сериянинг қайси клублари курашмоқда?
0
Ушбу хабарга кўра легионеримиз "Рома"да асосий футболчилар қаторига кира олмаяпти ва у шу сабабли А Сериянинг иккинчи даврасини бошқа клубда ўтказиши мумкин.
Нашрнинг "Corriere della Sera" маълумотларига таяниб хабар беришича, ҳамюртимиз олдида иккита вариант мавжуд. Булар "Эмполи" ва "Кальяри" жамоаларидир.
Шулардан "Эмполи" клуби Элдор Шомуродов учун асосий номзод ҳисобланади. Мазкур клуб футболчини ижарага олиш ниятида. Бу маълумот бўйича таниқли инсайдер Никола Скира ҳам хабар берди.
Маълумот учун, Элдор Шомуродов жорий мавсум "Рома" сафида 14 та баҳсда майдонга тушиб, 2 та гол ва 1 та голли узатмага муаллифлик қилган.