Уч нафар ўзбек футболчиси Қозоғистон терма жамоасидан қиммат туради!
0
Манба маълумотига кўра, Абдуқодир яқин кунларда тиббий кўрикдан ўтиб, шартнома имзолаш жараёнини якунлайди. Шу муносабат билан Ўзбекистоннинг энг қиммат 3 футболчиси ҳақида маълумот бериш ўринли.
1. Абдуқодир Ҳусанов – “Ланс” (Трансфер қиймати: 12 млн евро)
Абдуқодир Ҳусановнинг фаолияти жадал суръатларда ривожланмоқда. Белорусиянинг "Энергетик-БГУ" жамоасидан бошлаб, у "Манчестер Сити" билан шартнома имзолаш арафасида турибди. 20 ёшли футболчи жисмоний кучи, ҳавода ўйнаш маҳорати ва ишончли ҳимояси билан ажралиб туради. "Ланс" бош мураббийи Уилям Стилл Ҳусановни кўп қиррали футболчи сифатида тавсифлаб, уни Олимпия ўйинлари фанлари бўйича чемпион бўлиши мумкин бўлган спортчи деб таърифлаган.
2. Аббосбек Файзуллаев – ЦСКА (Трансфер қиймати: 8 млн евро)
Аббосбекни "ўзбекча Месси" деб атайдишади. 2023/2024 йилги мавсумда у Россия Премьер-лигасининг кашфиёти сифатида тан олинган. Тошкентнинг "Пахтакор" тарбияланувчиси бўлган Файзуллаев ўзининг чапқирлиги ва голли вазиятлар яратиш қобилияти билан "армиячилар" диққатини ўзига тортган. Россиянинг машҳур футболчиси Андрей Аршавин уни РПЛнинг энг яхши трансфери деб атаган. Айрим манбаларга кўра, у билан "Бавария" ҳам қизиқиш билдирмоқда.
3. Элдор Шомуродов – "Кальяри" (Трансфер қиймати: 4 млн евро)
29 ёшли Элдор Шомуродов Россиянинг "Ростов" жамоасидан Италия Серия А чемпионатига ўтиб, турли клубларда ўзини кўрсата олди. У ҳатто "Рома" сафига қўшилиб, Европа майдонларида ўз номини танитди. Элдор бугунги кунда Ўзбекистон терма жамоасининг энг яхши тўпурари ҳисобланади.
Қозоғистон терма жамоаси билан таққослаш
Transfermarkt портали маълумотларига кўра, Қозоғистон миллий терма жамоасининг умумий трансфер қиймати 18,5 млн еврони ташкил қилади. Ўзбекистоннинг юқоридаги уч нафар футболчиси эса бу кўрсаткичдан анча қиммат.