Фабрицио Романо: Ҳаммаси тайёр!

Ҳамюртимиз Абдуқодир Ҳусанов "Манчестер Сити" клуби аъзосига айланиб улгурганидан деярли барча футбол мухлисларимиз хабардор бўлса керак.

Футболчимиз "шаҳарликлар" сафида тиббий кўрикдан ўтган ва ўзига рақам ҳам танлаган, аммо "шаҳарликлар" матбуот хизмати ҳали мазкур трансферни эълон қилганича йўқ.

Таниқли инсайдер Фабрицио Романо бироз аввал "Х" саҳифасида қуйидаги хабарни ёзиб қолдирди:

"Абдуқодир Ҳусанов тиббий кўрикдан ўтганидан сўнг "Сити"нинг янги футболчиси сифатида эълон қилиниши учун барчаси тайёр. Ҳужжатлар имзоланди".

Шунга кўра, ҳамма мухлислар кутаётгган расмий хабар яқин вақтлар ичида эълон қилинади.