Пеп Гвардиола: "Витор Рейсга вақт керак, Абдуқодир Ҳусанов эса..."

"Манчестер Сити" бош мураббийи Пеп Гвардиола "Челси"га қарши бўлажак учрашув олдидан матбуот анжуманида қатнашди. Испаниялик мутахассис жамоага яқинда қўшилган футболчилар ҳақида фикр билдириб, ўзбекистонлик ярим ҳимоячи Абдуқодир Ҳусанов ҳақида илиқ фикрларини баён этди.

"Биз ҳозирча кўплаб машғулот ўтказмадик, лекин янги келган футболчилар жуда яхши кўринишда. Барчамиз биргаликда тўлиқ машғулот ўтказишга улгурмадик. Омар Мармуш кеча биринчи машғулотда қатнашди, лекин у ҳам тўлиқ жамоа билан эмас. Витор ҳали ёш ва унинг катта характерли бўлиши учун вақт керак бўлади. Ҳусанов эса аллақачон тайёр, чунки у Франция чемпионатида юқори даражадаги тезкор ва кучли футболчилар билан кўп тажриба орттирган", — деди Гвардиола.

АПЛ 23-туридан ўрин олган "Манчестер Сити" ва "Челси" ўртасидаги беллашув Тошкент вақти билан эртага, соат 22:30да бошланади. Ушбу учрашувда Абдуқодир Ҳусановнинг дебюти кутилмоқда.

Икки жамоанинг тахминий таркиблари қуйида келтирилган:

"Манчестер Сити"нинг тахминий таркиби: Эдерсон, Ҳусанов, Аканжи, Гвардиол, Льюис, Гюндоган, Де Брюйне, Грилиш, Фоден, Холанд, Мармуш.

"Челси"нинг тахминий таркиби: Санчес, Жеймс, Адарабиойо, Колуилл, Кукурелья, Кайседо, Фернандес, Мадуэке, Палмер, Санчо, Жексон.