Хосеп Гвардиола: Ҳусанов турли хил позицияларда ўйнай олади

"Манчестер Сити" - "Челси" учрашуви олидан ташкил қилинган матбуот анжуманининг иккинчи қисми бўлиб ўтди ва унда ҳам Хосеп Гвардиолага Абдуқодир Ҳусанов ҳақида саволлар берилди.

- Ҳусановдан қанчадан бери биласиз?
- Мавсум бошидан бери. Биз Тхики ва барча билан учрашувлар ўтказганимизда, улар ҳар бир позициядаги потенциал ўйинчиларни айтишди ва улар Абдуқодир ҳақида гапира бошлашди. Кейин эса... Жон (Стоунз), Натан (Аке), албатта Ману (Аканжи) ва Рубен (Диаш) билан бўлган вазиятлар сабабли трансферлар қилишимизга тўғри келди. Унинг бизда йўқ, бўлмаган ўзига хос фазилатларини кўра олдик У бизга ёрдам беришига ишончим комил.

"Ва, албатта, Ҳусанов жуда ёш, у ўрганиши керак. Шунингдек, Витор (Рейс) ҳам, Омар (Мармуш) ҳам, уларга вақт керак. Жамоага кўникиб олиш жараёни ёзда, мавсум олдидан бўлгани яхши. Аммо ҳозир ҳар ҳафта 3 та ўйин ўйнаётганимизда, захирамизда потенциали юқори футболчилар бўлиши жуда муҳимдир.

- Ҳусанов ҳар хил позицияда ўйнай олади. Уни таркибнинг қайси қисмида кўряпсиз?
- Ҳа, у менимча, марказда ҳам, ўнг қанотда ҳам ўйнай олади. Учталик ҳимоянинг ҳам турли хил позициясида ҳаракат қила олади.

- Ҳусанов жуда ҳам тезкор футболчи. Менимча, у Кайл Уокердек тез. Балки сенга мана шундай энергия керакдир, айниқса ярим ҳимоянг учун?
- (Гвардиола кулади) Менимча, фақатгина Ҳусановнинг тезлиги бизга ёрдам бера олмайди. Албатта унинг тезлиги муҳим аҳамиятга эга, лекин биз ПСЖга қарши ўйинда улардан кўпроқ югурдик. Муаммо тўп билан ҳаракатимизда...