"Насаф" клуби Рўзиқул Бердиев ва унинг штаби билан шартномани узайтирди
Клуб раҳбарияти амалдаги бош мураббий Рўзиқул Бердиев билан шартномани узайтирилганлиги ҳақида "Насаф" матбуот хизмати хабар бермоқда.
Яна хабарда келтирилишича, жамоанинг мураббийлар штаби билан ҳам амалдаги меҳнат шартномалари узайтирилган.
"Насаф" Рўзиқул Бердиев бош мураббийлиги даврида Ўзбекистон чемпионатининг беш карра бронза медаллари ва уч марта кумуш медаллари соҳибига айланди, шунингдек, тўрт марта Ўзбекистон Кубоги ва уч марта Ўзбекистон Суперкубогини қўлга киритди. Ўтган мавсумда жамоа Бердиев қўл остида орзиқиб кутилган чемпионликни қўлга киритди.
5 карра йил мураббийи ва 2 марта Суперлиганинг энг яхши мураббийи деб топилган.