Карло Анчелотти жамоасининг кутилмаган мағлубиятига қандай муносабат билдирди?

Испания чемпионати пешқадами “Реал” мусобақа аутсайдерларидан бири “Эспаньол” майдонидан мағлубият билан қайтди.

Беллашувдан кейин мадридликлар бош мураббийи Карло Анчелотти кутилмаган мағлубиятга муносабат билдирди.

- Бу учрашув жуда қийин ўтди. Айрим жиҳатларда биз устунлик қилдик. Масалан, ўйинда назоратни ушлаб турдик. Айниқса, иккинчи бўлимда жуда кўп вазиятлар яратдик.

Бироқ урган голимиз ҳисобга олинмади, бир зарба устунга тегиб қайтди, рақиб дарвозасига камида 20 та зарба йўлладик.

Ўйин бизнинг назоратимизда ўтганига қарамай, “Эспаньол” жуда яхши ўйнади. Бизни нозик паллада тутиб олди ва тўп киритди. Бу улар ютишни жуда қаттиқ истаган ўйин эди, - деди Карло Анчелотти.

Мағлубиятга қарамай, “Қироллик клуби” футболчилари мусобақа жадвалида 49 очко билан пешқадамлик қилишни давом эттирмоқда.