Пеп Гвардиола: “Мен Абдуқодир Ҳусановни эмас, ўзимни айблашим керак”
0
"Биласизми, бу мавсумда нечта марказий ҳимоячи Абдуқодир қилган хатога йўл қўйди?!
Мен Ҳусановни айбламайман, аксинча, ўзимни айблашим керак – қандай қилиб ҳали ҳамон ҳимояда қўпол хатоларга йўл қўймоқдамиз. Шу боис, жамоам билан бирга, ҳимоя чизиғимизни яхшилашимиз зарур.
Мен илгари ҳеч қачон барчанинг олдида футболчиларимни айбламаганман, ҳозир ҳам шундай йўл тутаман. Айниқса, атиги битта машғулотдан кейин жамоага қўшилган ўйинчининг хатосини танқид қилиб бўлмайди. Ҳозирги кунда 20 ёшли ҳимоячига ёрдам беришимиз керак.
Агар мен Ҳусановнинг ўрнида бўлсам – янги мамлакат, янги Премьер лига, янги жамоа, янги тил ва илгари ҳеч қачон эшитмаган нарсалар. Бундан ташқари, Коул Палмер, Николас Джексон каби ўйинчиларга қарши ўйнаш – жуда қийин вазифадир. Ростини айтсам. мен ҳам ўзбекистонлик футболчига ёрдам беришни истардим.
Абдуқодирнинг хатосидан сўнг жамоадошларининг унга бўлган дарҳол реакцияси жуда ёқимли бўлди. Бу вазият эса шахсан менга ёқди. Футболчилар керакли вақтда, ёш истеъдодли ҳимоячига далда бўла олишди” – дея таъриф бериб ўтди, 54 ёшли мураббий.
Эслатиб ўтамиз, бугун Гвардиола бошчилигидаги манчестерликлар Лондоннинг "Арсенал" клуби билан куч синашади. Мазкур тўқнашув Тошкент вақти билан 21:30 да старт олади.