Тошкентдаги кўчалардан бирига Отатурк номи берилиши мумкин

Тошкент шаҳридаги кўчалардан бирини Туркиянинг биринчи президенти Мустафо Камол Отатурк номи билан номлаш масаласи муҳокама қилинмоқда.

Мазкур таклиф Тошкент шаҳар ҳокими Шавкат Умурзаков ва Туркиянинг Ўзбекистондаги фавқулодда ва мухтор элчиси Олган Бекар ўртасидаги учрашувда кўтарилган.

Ўзаро муносабатлар ва стратегик ҳамкорлик

Учрашув давомида Шавкат Умурзаков Ўзбекистон ва Туркия ўртасидаги муносабатлар изчил ривожланаётганини таъкидлаб, бу жараён давлат раҳбарлари асос солган стратегик ҳамкорлик самараси эканини қайд этди. Шунингдек, у турк дипломатик корпусининг хизматларини алоҳида эътироф этди.

Олган Бекар эса Ўзбекистондаги дипломатик миссияси якунланаётганини маълум қилар экан, муҳокама қилинган қатор масалаларга, жумладан:
???? Турк мактабларини кенгайтириш,
???? Тошкентдаги кўчалардан бирини Мустафо Камол Отатурк номи билан аташ,
???? Турк боғини ташкил этиш каби таклифларга тўхталиб ўтди.

Ҳамкорликни ривожлантириш давом эттирилади

Учрашув якунида икки томон келгусида ҳам ўзаро мулоқотни давом эттириш ва ҳамкорликни янада мустаҳкамлаш борасида келишиб олди.