"Узуклар ҳукмдори" юлдузи яширин никоҳдан ўтганини ошкор қилди
0
Шу пайтгача, актёрнинг расмий равишда уйлангани ҳақида расман маълумот берилмаган эди. Шунинг учун ҳам, уларнинг айнан қайси санада никоҳдан ўтгани ноаниқлигича қолмоқда. Бироқ, ижтимоий тармоқларда тарқалган миш-мишларга кўра, жуфтлик Янги йил арафасида Швецияда махфий маросим ўтказган. Инсайдерларнинг маълум қилишича, бу тўй маросими жуда камсонли меҳмонлар билан, ёпиқ форматда ўтган. Унда фақат келин ва куёвнинг энг яқин қариндошлари ҳамда дўстларидан иборат тахминан 80 киши қатнашган.
Элайжа Вуднинг шахсий ҳаёти ҳақида кўп маълумот тарқалмайди. У интервью ва ижтимоий тармоқларда оиласи ҳақида жуда кам гапиради. Шунинг учун ҳам унинг турмуш қургани ва фарзандлари борлиги кўпчилик учун кутилмаган хабар бўлди. Бироқ, 2023 йилда The Wall Street Journal нашрига берган интервьюсида актёр ўзининг иккинчи фарзанди борлигини ошкор қилган эди.
— Оиламизда 3 ёшли ўғлимиз ва 1,5 ёшли қизимиз бор. Қизим бизни эрта тонгдан уйғотади, — деб қайд этган эди Элайжа Вуд.
Эслатиб ўтамиз, Элайжа Вуд ва Метте-Мари Консведнинг муносабатлари ҳақидаги илк хабарлар 2017 йилда пайдо бўлган эди. Улар 2018 йилда биринчи марта омма олдида биргаликда пайдо бўлган. Шу вақтдан бери жуфтлик шахсий ҳаётини оммадан максимал даражада яширишга ҳаракат қилган.
Актёр ва унинг рафиқаси шу пайтгача шахсий ҳаётларини кенг омма муҳокамасига олиб чиқмаган бўлсалар-да, мухлислари уларнинг бахтига тилакдошлик билдиришмоқда. Чунки Элайжа Вуд нафақат ажойиб актёр, балки самимий ва камтар инсон сифатида ҳам танилган шахсдир.