Абдуқодир Ҳусанов "Лейтон Ориент"га қарши қандай ўйнади? (Видео)

Англия Кубоги 1/16 финал босқичида "Манчестер Сити" сафарда "Лейтон Ориент" жамоасига қарши баҳс олиб борди. Мезбонлар учрашувда ҳисобни биринчи бўлиб очишди, бироқ якунда "шаҳарликлар" ғалабани қўлга киритишди.

Ўзбекистонлик футболчи Абдуқодир Ҳусанов иккинчи бўлим бошида захирадан майдонга тушди ва 56-дақиқада ҳисобни тенглаштирди. Рико Льюиснинг зарбаси Ҳусановнинг елкасига тегиб, тўп дарвозага йўналди.

79-дақиқада эса Жек Грилишнинг ажойиб узатмасидан сўнг Кевин Де Брюйне ғалаба голини уриб, "Манчестер Сити"ни кейинги босқичга олиб чиқди.