"Ўзбек Серхио Рамоси": Европа Абдуқодир Ҳусановга қойил қолди

Ўзбекистон терма жамоаси ҳимоячиси Абдуқодир Ҳусанов Англия Кубогидаги муваффақиятли ўйини билан бутун дунё футбол жамоатчилигини ҳайратга солди, деб хабар бермоқда Offside.kz.

Европа матбуоти ва мухлислар ёш футболчини "Ўзбек Серхио Рамоси" деб аташмоқда.

Бироқ футболчига нисбатан турли фикрлар ҳам билдирилди:

???? "Унга имконият беринг, у афсонага айланади!"
???? "У фақат учинчи дивизион жамоасига қарши бир тайм ўйнади, дарҳол Рамос билан солиштиришга шошилманг."
???? "Ўйинини кузатдим, яхши ҳаракат қилди, лекин бироз ҳаяжон сезилди. Лекин вақт ўтиши билан мослашади ва, иншаАллоҳ, АПЛни забт этади."

Баъзи шубҳали фикрлар ҳам йўқ эмас:

???? "Бу йигит тактикани умуман тушунмайди."
???? "Ҳусанов ҳали Рамос даражасига етмади."
???? "Бу йигит келажакда Малдинига айланади!"
???? "Бутун МДҲ унга ҳасад қилмоқда. Пост-совет маконида ҳеч ким Ҳусанов эришган нарсага эриша олмади, у эса атиги икки марта 'Сити' сафида майдонга тушди."

Эслатиб ўтамиз, кечаги учрашувда Ҳусанов "Манчестер Сити" таркибида 7.8 балл билан энг яхши уч футболчидан бири бўлди. 56-дақиқада Рико Льюис узоқ масофадан зарба йўллаганида, тўп Ҳусановга тегиб, дарвозага кирди ва у "шаҳарликлар" сафида илк голини нишонлади.

Шунингдек, Абдуқодир кечаги ўйинда асосий таркибда бошламаган бўлса-да, танфусдан сўнг бразилиялик ҳимоячи Витор Рейшнинг ўрнига майдонга тушиб, ажойиб ўйин кўрсатди.