АҚШ сенатори: Ғазо миллиардер сайёҳлар учун эмас, балки Фаластин халқи учун
0
Сандерс душанба куни ижтимоий тармоқдаги постида Трампнинг Ғазо ҳақидаги сўзларини танқид қилди. Унинг таъкидлашича, Ғазо можароси 47 мингдан ортиқ фаластинликни ўлдирган ва 111 мингдан ортиқ кишини жароҳатлаган.
Сенаторнинг фикрича, Трамп "Ғазонинг келажакдаги кўчмас мулк сифатида ривожланиши учун фаластинликларни мажбуран чиқариб юбориш" ниятида. У буни кескин қоралаб, Ғазо фақат фаластинликлар учун тикланиши кераклигини таъкидлади.
Трамп 25 январдан буён фаластинликларни Ғазодан қўшни давлатларга – Миср ва Иорданияга депортация қилиш режасини фаол равишда таклиф қилиб келмоқда. Бироқ бу давлатлар унинг таклифини рад этган. Уларнинг позициясини бошқа араб давлатлари минтақавий ва халқаро ташкилотлар ҳам қўллаб-қувватлаган.