"Манчестер Сити" ҳимоячиси Мануэль Аканжи жиддий жароҳат олди
0
Тиббий текширув натижалари ҳали расман эълон қилинмаган бўлса-да, бир неча манбаларда унинг соғлиги билан боғлиқ жиддий муаммолар мавжуд экани қайд этилган. Агар жароҳат ҳақиқатан ҳам оғир бўлса, Аканжи узоқ муддатга сафдан чиқиши мумкин.
Швейцариялик ҳимоячи жорий мавсумда "Манчестер Сити" сафида 30 та расмий учрашувда иштирок этган. Унинг ҳимоядаги ишончли ўйини ва катта тажрибаси жамоа учун муҳим аҳамият касб этади. Шунингдек, "Transfermarkt" портали маълумотларига кўра, Аканжининг бозор баҳоси 40 миллион еврога баҳоланади.
Ҳозирда "Манчестер Сити" раҳбарияти ва мураббийлар штаби футболчининг соғлиғини яхшилаш учун барча чораларни кўрмоқда. Агар Аканжи узоқ муддатга сафдан чиқса, Пеп Гвардиола ҳимоя чизиғида янги тактик ечимларни ўйлаб топишига тўғри келади.
"Шаҳарликлар"нинг келгуси муҳим баҳсларида Аканжининг йўқлиги жамоага қандай таъсир кўрсатиши, ҳимоя чизиғида қандай ўзгаришлар рўй беришини вақт кўрсатади.