Мюнхенда номаълум шахс автомашинада намойиш иштирокчиларини босиб кетди
0
Сўнгги хабарларга кўра, ҳодиса оқибатида камида 27 киши жароҳат олган ва уларнинг айримларининг аҳволи оғир. Воқеа жойида фавқулодда хизматлар ҳаракатини юритмоқда, жабрланганлар шифохоналарга етказилмоқда.
Полиция маълумотларига кўра, 13 февраль куни эрталаб тахминан 10:30 да Mini Cooper автомобилини бошқарган ҳайдовчи, Мюнхен марказида ўтказилган касаба уюшмаси намойишида иштирок этаётган гуруҳ одамларга қарата ҳаракат қилган. Bild нашри маълум қилишига кўра, жараҳат олганлар орасида икки кишининг ҳолати оғир ва жабрланганлар орасида болалар ҳам бор.
Полиция ҳайдовчининг оломонга қасддан урилганми ёки газ ва тормоз педалларини адаштириб юборганлигига аниқлик киритишга ҳаракат қилмоқда. Ҳодиса олдида ўқ овозлари эшитилган бўлса-да, бу маълумот ҳозирча расман тасдиқланмаган. Тахмин қилинаётган ҳайдовчи аллақачон қўлга олинган бўлиб, у 24 ёшли Афғонистон фуқароси эканлиги хабар қилинмоқда.