Путин ҳаракатланадиган Aurus автомобилининг янги версияси (фото)
0
Ҳимояланган автомобиллар ишлаб чиқаришга ихтисослашган Нижний Новгороднинг “Рида” тюнинг компанияси Aurus Komendant автомобилининг узун зирҳли версиясини тақдим этди. Бу ҳақда “Газета.ру”га таяниб Дарё хабар берди.
Автомобиль Aurus компанияси билан биргаликда ишлаб чиқилган. Узайтирилган Aurus Komendant стандарти билан солиштирганда 500 миллиметрга узунроқ. У портлашга чидамли зирҳли капсула (қалинлиги 7 миллиметр бўлган зирҳли пўлат), шунингдек, қалинлиги 50 миллиметр бўлган зирҳли ойналар билан жиҳозланган.
Фото: Rida
Автомобиль АКМ автомати ва SVD снайпер милтиғи ўқларига бардош бера олади. Ҳимоя синфи — B6/B7. Шунингдек, йўлтанламас махсус ғилдираклар билан жиҳозланган.
Фото: Rida
Фото: Rida
Фото: Rida
Фото: Rida
Фото: Rida
Фото: Rida
Россия президенти Владимир Путиннинг махсус гаражида 15 тагача премиум тоифадаги ўқ ўтказмайдиган автомобиллар борлиги маълум. Аввалроқ Россия давлат раҳбари кортежида ўқ ўтказмайдиган Mercedes-Benz S600 Pullman автомобиллари бўлган. Аммо етти йил олдин президент гаражида Aurus Сенат пайдо бўлди. Айнан шу машинада у 2018 йилда ўз инаугурациясига келган. Эндиликда Путин фақат Россияда эмас, балки ҳар қандай мамлакатда фақат шу машинада ҳаракатланади.
Ҳар бир ҳолатда хавфсизлик хизмати президент кортежига қанча автомобиль киришини ҳал қилади. Владимир Путин айнан қайси машинада ҳаракатланиши ҳар доим жумбоқ бўлиб келган. Бу маълумотлар фақат йўловчи, унинг шахсий қўриқчилари ва баъзи масъул шахслар учун очиқ.
Анъанага кўра, кортежда биринчи бўлиб “тозаловчи” автомобиллари, улардан кейин бир хил бўлган бир жуфт автомобиль ҳаракатланади. Одатда кортеж таркибида ҳар доим энг сўнгги техника билан жиҳозланган тез ёрдам автомобили ҳам бўлади.
Рақамлар бўйичачи?
Турли мамлакатларда президент автомобиллари бир хил бўлса-да, рақамлари фарқ қилиши мумкин. Масалан, Хитойда Россиядан келган кортеж автомобилларига маҳаллий дипломатик ваколатхона рақамлари берилади. Худди шу нарса қатъий йўл ҳаракати қоидаларига эга бошқа давлатларда ҳам содир бўлади.
Эътиборлиси, президент кортежидаги ҳар бир автомобилга аниқ бир автомобиль рақами бириктирилмаган. Бундан ташқари, ҳар бир машинанинг “алмаштириладиган” рақами бор. Ҳар бир сафар арафасида Россия махсус хизматлари мезбон давлат билан биргаликда президент кортежидан ҳар бир транспортга қандай автомобиль рақами беришни ҳал қилади.
“Aurus жуда қиммат. Лекин у кам миқдорда ишлаб чиқарилади. Ҳозир чет элда ишлаб чиқарила бошланди. Масалан, Амирликларда йиғиш амалга оширилади. Амирликдаги дўстларимизга бу машина ёқади”, деган эди Путин.