Самарқандда Gentra икки пиёдани уриб юборди
0
Ҳодиса 17-феврал куни тахминан соат 14:10 да вилоятнинг “Бухорий” маҳалласи ҳудудидан ўтувчи Нурпоя кўчасида содир бўлган. Ҳаракатланиб келаётган Gentra русумли автомобиль Cobalt билан тўқнашган ва йўлнинг ўнг четида турган икки пиёдани уриб юборган.
Натижада, пиёдалар жароҳат олиб, дарҳол шифохонага етказилган. Ҳозирда Самарқанд ЙҲХБ ЙТҲ бўлими воқеа тафсилотларини аниқлаш учун тергов ҳаракатларини олиб бормоқда.
“Ҳайдовчиларни тезликка риоя қилишга, йўлда ҳушёр бўлишга ва светофор сигналига қатъий амал қилишга чақирамиз. Унутманг, йўллардаги хавфсизлик ҳар бир ҳаракат иштирокчисига боғлиқ”, – дейилади расмий хабарда.