Хлорланган ичимлик суви саратон хавфини ошириши мумкин
0
Сувга хлор қўшилганда деярли барча марказий сув таъминоти тизимларида ён маҳсулотлар — тригалометанлар ҳосил бўлади. Ушбу дезинфекция усули арзон ва самарали бўлса-да, айрим хавфларни ҳам ўз ичига олади. Тадқиқот натижаларига кўра, хлорли сув истеъмоли сийдик пуфаги саратони эҳтимолини 33 фоизга, йўғон ёки тўғри ичак саратони хавфини эса 15 фоизга ошириши мумкин.
Швециянинг Каролин институти етакчи тадқиқотчиси Эмили Ҳёлтенинг таъкидлашича, ушбу хавфларни аниғроқ баҳолаш учун қўшимча тадқиқотлар ўтказиш зарур. У, шунингдек, сувни тозалашнинг ультрабинафша нурлар ёки янги филтрлаш тизимлари каби муқобил усуллари саратон хавфини камайтириши мумкинлигини, аммо бундай технологиялар анча қимматга тушишини қўшимча қилди.
The Guardian ёзишича, сувни хлорлаш XX аср бошидан бери кенг қўлланиб, кўплаб юқумли касалликларнинг олдини олишга ёрдам берган. Бироқ, 1970-йилларда олимлар хлор органик бирикмалар билан реакцияга киришиши натижасида хавфли токсинлар, жумладан, хлорофор ва бромофор ҳосил бўлишини аниқлашган.