Абдуқодир Ҳусанов "Реал"га қарши ўйинда ўзини кўрсата олдими?

"Пахтакор" клубининг собиқ футболчиси ва спорт директори Жафар Ирисметов "Манчестер Сити" ҳимоячиси Абдуқодир Ҳусановнинг "Реал Мадрид"га қарши ўйиндаги (1:3) ҳаракатлари ҳақида фикр билдирди, деб хабар берди Sports.kz сайти Metaratings.ruга таяниб.

"Ҳусанов муносиб ўйин кўрсатди. У катта хатоларга йўл қўйди, деб айтмайман, шунчаки 'Манчестер Сити' умуман ўйин пасайишини бошдан кечирмоқда. Мбаппенинг голларида у халакит бериши мумкинмиди? Ҳа, албатта, лекин ҳеч бир голда унинг тўғридан-тўғри айби йўқ. У ўз даражасида ўйнади ва аста-секин асосий таркибдан жой олиб боради. Унга берилган юқори баҳо ҳам бежиз эмас. Жамоавий ҳимоя ёмон ўйнади, лекин Ҳусанов ўз даражасида ҳаракат қилди", — деди Ирисметов.

"Реал"га қарши ўйин Ҳусанов учун "Манчестер Сити" сафидаги тўртинчи учрашув бўлди. 20 ёшли футболчи ушбу тўртта ўйинда бир гол уришга муваффақ бўлган.

"Манчестер Сити" икки ўйин натижасига кўра "Реал"га 6:3 (2:3, 1:3) ҳисоби билан ютқазиб, Чемпионлар Лигаси жорий мавсумини тарк этди.