БААда аёллардан иборат илк қутқарув гуруҳи ишга тушди (фото)
0
Дубай полицияси илк бор фақат аёллардан иборат 16 кишилик қутқарув гуруҳини тузди. Бу ҳақда Gulf News'га таяниб Дарё хабар берди.
Улар Транспорт ва қутқарув департаментида ишлайди. Бу Араб Амирликлари ва Яқин Шарқдаги тўлиқ аёллардан иборат биринчи қутқарув отряди ҳисобланади. Гуруҳ фавқулодда вазиятларда аёллар ва болаларнинг эҳтиёжларини қондириш учун тузилган. Жамоа йўл-транспорт ҳодисалари, ёнғинлар, қидирув-қутқарув ишларини бартараф этиш ва жабрланган аёлларга ҳиссий ёрдам кўрсатиш бўйича ўқитилган.
Гуруҳга қўшилишдан олдин қизлар 6 ой давомида полиция академиясида ҳарбий ва қутқарув машғулотлари, жисмоний тайёргарлик ва махсус қутқарув усулларини ўрганган. Улар ўқишни 2024 йил сентябрь ойида тамомлаган.
Фото: Gulf News
Тайёргарлик арқон ёрдамида тоққа чиқиш ва тушиш, патрул машинаси билан жиҳозланган махсус ускуналар билан ишлаш кўникмаларини ўз ичига олган. Барча аёллар ҳайдовчилик гувоҳномасига эга. Улар фавқулодда ҳолатларга 7 дақиқадан кам вақт ичида жавоб беришни мақсад қилган.
Аёллар ёнғин, қулфланган эшиклар, носоз лифтлар, қидирув-қутқарув ишлари ва фалокатлар бўйича чақирувларга ҳам жавоб беради.
Фото: Тhe National News
Фото: Тhe National News
Фото: Тhe National News
Фото: Тhе National News