Баҳодир Қурбонов Ўзбекистон футбол ассоциацияси президенти этиб сайланди
0
Ўзбекистон футбол ассоциацияси президенти лавозимига ассоциация аъзолари томонидан келиб тушган номзодлар Сайлов қўмитаси аъзолари иштирокида Ассоциация Сайлов кодекси ва Уставига асосан мувофиқлик текширувидан ўтказилди.
Ассоциация Уставининг 30-моддаси 4-бандига биноан делегатлар томонидан Ўзбекистон футбол ассоциацияси президенти лавозимига Баҳодир Қурбонов номзоди илгари сурилди.
Ассоциация Устави ва Сайлов кодексига асосан Баҳодир Қурбонов Ўзбекистон футбол ассоциацияси президенти лавозимига сайланди.
Аввалроқ Ўзбекистон футбол ассоциацияси уставига мувофиқ, 2025 йил 22 феврал куни ЎФА президентлигига сайлов бўлиб ўтишича, ДХХ раиси генерал-полковник Баҳодир Қурбонов номзоди ассоциация президентлигига илгари сурилаётгани хабар қилинганди.
Январ охирларида ДХХ собиқ раиси Абдусалом Азизов Ўзбекистон Футбол ассоциацияси президенти лавозимидан кетганди. Унинг вазифаларини ЎФА биринчи вице-президенти Равшан Эрматов бажариб келаётган эди.