Россияда эски долларларни қабул қилиш муаммоси кучаймоқда
0
Банклар нега эски долларларни қабул қилмай қўйди?
Шчербаковнинг айтишича, бунинг асосий сабаби санкциялар ва молиявий чекловлар билан боғлиқ. Илгари Россия банклари эски купюраларни чет эл банкларига жўнатиб, уларни янгисига алмаштира оларди. Бироқ ҳозир бундай операциялар чекланган, бу эса эски долларлар билан ишлашни мураккаблаштирмоқда.
Эски долларлар дунёда ҳам муаммо туғдирмоқда
Шунингдек, кўплаб давлатларда, айниқса, Жануби-Шарқий Осиё, Ҳиндистон, Индонезия, Африка ва Лотин Америкаси мамлакатларида эски долларларни қабул қилишдан бош тортиш ҳолатлари кўпаяётгани кузатилмоқда. Бундай вазиятга сабаб – эски долларлар янги купюраларга нисбатан қалбакилаштиришга мойилроқ экани.
Иқтисодчидан маслаҳат
Кирилл Шчербаков саёҳат қилишдан олдин эски долларларни янги купюраларга алмаштириш ёки евро сотиб олишни тавсия қилди. Чунки евро дунёда кенг тарқалган валюта бўлиб, уни қабул қилишда ҳеч қандай чекловлар мавжуд эмас.
Россия банклари санкциялар ва валюта айирбошлаш муаммолари сабабли эски долларларни қабул қилишдан бош тортаётгани аниқланди. Шунинг учун фуқаролар хорижга чиқишдан олдин ўз валюталарини текшириб, эҳтиёт чораларини кўриши зарур.