Дональд Трампнинг қўлида ғалати доғ борлиги аниқланди

^{Фото: Билд}
АҚШ президенти Дональд Трамп Оқ уйда Эммануэл Макрон билан учрашуви пайтида унинг қўлида катта жигарранг доғ борлигини пайқашди, деб ёзмоқда Билд нашрига таяниб Дарё.

Доғнинг суратлари интернетда АҚШ президентининг эҳтимолий касаллиги ҳақидаги турли тахминларни келтириб чиқарди.

Бошқа фаразлар қаторида, бу инфузияларнинг оқибати бўлиши мумкинлиги айтилмоқда — кўпинча игна олиб ташлангандан сўнг пайдо бўладиган гематома. Ташхис қўйишга қизиқувчи фойдаланувчилар инфузияларнинг сабаблари сифатида сувсизланиш ёки витамин етишмаслигидан даволанишни кўрсатишмоқда.

Трамп кузатувчилари президентнинг ўнг қўлдаги кўкаришлар илгари ҳам кузатилганини таъкидламоқда. Х фойдаланувчиларидан бири Трамп ҳатто бир муддат боғич боғлаб юрганини айтган.

^{Фото: Билд}
Умрининг сўнгги ҳафтасида қиролича Елизаветанинг қўлларида ҳам шунга ўхшаш кўкаришлар кузатилган, дейилган изоҳлардан бирида.
БИЛД нашри билан боғланган Нью-ёрклик шифокорнинг фикрича, доғ антитромбоцитар дорилар билан даволашнинг ножўя таъсири бўлиши мумкин. Шифокор аниқроқ баҳо бериш учун иккала қўлни ҳам текшириш кераклигини қайд этди.

"Бундан ташқари, Трамп қуёшда қорайиш учун крем суртишни ёқтиради, бу ҳам сирли доғларни аниқлашни қийинлаштиради", дейди мутахассис.

Агар унинг тахмини тўғри бўлса, унда асосий хавотирлар асоссиз бўлиши мумкин: "Бу ножўя таъсирлар жиддий хавф туғдирмайди!"

Интернетдаги қизғин мунозаралар чоғида фойдаланувчилар Трампнинг соғлиғи бўйича очиқлик йўқлиги илгари ҳам танқид қилинганини эслатишди. Унинг биринчи номзоди кўрсатилганда, шахсий шифокори доктор Гаролд Борнштейн “агар Трамп сайланса, у сайланган президентлар орасида энг соғлом инсон бўлиши”ни айтган эди.