Трамп баёноти сабабли криптовалюта нархлари кескин ошди
0
АҚШ президенти Дональд Трамп криптовалюта захираси яратилишини эълон қилди. Бу эса криптовалюта нархларининг кескин ошишига олиб келди. Бу ҳақда BBC'га таяниб Дарё хабар бермоқда.
Трампнинг маълум қилшича, крипто захирага бешта танга — Bitcoin, Ethereum, XRP, Solana ва Sardano киритилади. Янги захира қандай ишлаши ҳозирча номаълум. 7 март куни Трамп Оқ уйда биринчи Крипто саммитини ўтказишни режалаштираётгани айтилмоқда.
2 март куни президент ишчи гуруҳи “XRP, SOL ва АDА криптовалюталарини ўз ичига олган стратегик захирада олдинга силжишга йўналтирган” дастурни имзолаганини айтди. Шундан сўнг Биткоин ва Ethereum 10 фоизга, қолган учта танганинг нархи эса 62 фоизгача кўтарилган.
Трамп аввалроқ крипто танқидчиси бўлган ва 2021 йилда Fox News телеканалига биткоин “фирибгарлик” эканини айтганди. Аммо сўнгги ҳафталарда у ҳам, рафиқаси Мелания Трамп ҳам ўзларининг криптовалюталарини ишга туширди, бу эса уларнинг Оқ уй сиёсатидан фойда кўришга уринаётганликлари ҳақидаги айбловларга сабаб бўлди.
Маълумот ўрнида, 2022 йилда АҚШнинг собиқ президенти Жо Байденнинг ҳам криптовалюта сиёсатида бир қатор ислоҳотларни амалга оширган.
Байденнинг криптовалюта сиёсати қандай бўлган?
АҚШнинг аввалги президенти Жо Байден фирибгарлик билан боғлиқ хавотирлар туфайли криптовалюталарга қарши курашни назорат қилган эди. Ушбу дастурнинг асосий вазифалари:
- истеъмолчилар ва инвесторларни ҳимоя қилиш;
- молиявий барқарорликни рағбатлантириш;
- ноқонуний молиялаштиришга қарши кураш;
- АҚШнинг жаҳон молия тизимидаги етакчилиги ва иқтисодий рақобатбардошлиги;
- молиявий инклюзия.
Бу, шунингдек, масъулиятли инновация каби рақамли активларни ўз ичига олиб, бу лойиҳа орқали АҚШ кенг қамровли криптовалюта сиёсатини йўлга қўйиб олган эди.