ЖССТ: 2050-йилда 2,5 миллиард ёш эшитиш қобилиятидан айрилиши мумкин

Дунё бўйлаб 1 миллиарддан ортиқ ёшлар мусиқани хавфли тарзда тинглаш натижасида эшитиш қобилиятини йўқотиш хавфи остида, деб хабар берди ТАСС ЖССТнинг Россиядаги вакили Батир Бердикличев сўзларига таяниб.

Мутаxaссиснинг таъкидлашича, 2050-йилда 2,5 миллиардга яқин ёшлар эшитиш қобилиятининг турли даражада йўқолишидан азият чекади. Шунингдек, яна 700 миллион киши эшитиш қобилияти бузилиши сабабли реабилитацияга муҳтож бўлади. Бугунги кунда дунё аҳолисининг тахминан 5% эшитиш йўқолишидан азият чекади ва ногиронлик даражасига етган.

Болалар орасида эшитиш муаммоларининг 60% ҳолатда олдини олиш мумкин, бу эса келажакда кар-соқовликнинг олдини олиш учун катта имконият яратади. ЖССТ вакили 60% дан ортиқ эшитиш касалликларини дастлабки босқичда даволаш мумкинлигини қайд этиб, тиббий хизматларнинг қулайлигини ошириш муҳимлигини таъкидлади.