Тошкент-Бўстонлиқ йўли веломарафон сабаб ёпилади

Тошкент вилоятининг айрим кўчаларида 4-5 март кунлари велоспорт мусобақалари ўтказилиши муносабати билан транспорт ҳаракати чекланади, деб хабар берди пойтахт ҳокимияти матбуот хизмати.

Бўстонлиқ туманида йўл пойгаси бўйича спорт устаси унвони учун В. Искандаров хотирасига бағишланган мусобақалар ўтказилади. Шу сабабли қуйидаги йўналишларда транспорт ҳаракати вақтинча тўхтатилади:

4-март (10:00-14:00): D012 йўналишининг 34-км дан 54-км гача (Бектемир-Чирчиқ-Ғазалкент-Чарвоқ йўли);
5-март (10:00-14:00): D012 йўналишининг 34-км дан 66-км гача (Бектемир-Чирчиқ-Ғазалкент-Чарвоқ йўли).

Бўстонлиққа йўлга чиқадиган ҳайдовчиларга Чирчиқ шаҳри, шунингдек, Кораманас ва Қўшқўрғон маҳаллалари орқали муқобил йўналишлардан фойдаланиш тавсия этилади.