Италия: фаворитлар учун асаббузарлик тақдим этган тур ( видео)
«Лечче» – «Милан» 2:3
Голлар: Крстович, 7, 59 – Галло (автогол), 68 Пулишич, 72 (пен), 81.
«Лечче»: Фалконе, Гилбер, Баскиротто, Жан, Галло, Кулибали (Банда, 83), Ҳелгасон (Вейга, 74), Перотти (Рамадани, 74), Бериша (Перре, 56), Моренте (Ребич, 83), Крст.
«Милан»: Спортелло, Уокер (Фофана, 75), Габбия, Тиав, Эрнандес, Бондо (Фелиш, 62), Муса (Соттил, 75), Хименес (Абраҳам, 62) (Леау, 46), Рейндерс (Пулишич, 46).
«Милан» жорий мавсумда инқироз кўчасидан чиқа олмаяпти. Россонерилардаги ҳолатни «Лечче»га қарши ўйин ҳам кўрсатиб берди. Ўйиннинг бир соати ортда қолаётганида фаворитлар хавфли зонага яқин жойлашган аутсайдер жамоадан икки тўп фарқи билан ортда қолаётганди. Крстович икки аниқ зарбаси билан миланликларга қарши ўйинда дубл қайд этди, бундай кўрсаткични «Лечче» футболчилари 2000 йил январидан бери уддалай олишмаган эди.
Шу билан бирга, меҳмонлар таркибидаги айрим футболчилар аҳмоқона хатоларга йўл қўйган бўлса-да, умуман олганда, жамоа умидсиз ҳолатда эмасди. Ўйиннинг дастлабки ўн беш дақиқасида офсайд туфайли Сантяго Ҳименес ва Габбиянинг голлари бекор қилинганди. Меҳмонларнинг кўплаб зарбаларини дарвозабон бартараф этди, иккинчи бўлимда эса ҳисоб 0:2 бўлиб турганида Ҳименеснинг зарбаси голга айланишига устун халақит берди. Аммо Сержиу Консейсау ўзгаришлар билан ўйинда бурилиш ясай олди. Жоау Феликснинг зарбаси муваффақиятсиз чиққан бўлса-да, тўп «Лечче» ҳимоячисига тегиб, дарвозага кириб кетди. Рафаэл Леау эса том маънода рақиб мудофаасини ёриб ўтди. Португалиялик футболчи биринчи голда ҳам асосий ишни бажарганди, кейин эса Пулишич пеналти ишлаб, ўзи ҳисобни тенглаштирган ҳужумда ҳам муҳим рол ўйнади, ниҳоят америкалик жамоадошининг иккинчи голига пас берди.
«Интер» – «Монца» – 3:2
Голлар: Арнаутович 45, Чалхонўғли 64, Кирякопулос 77 (автогол) – Биринделли 32, Кейта Балде 44
«Интер»: Жозеп Мартинес, Ачерби, де Врей (Карлос Аугусто, 46), Павар (Биссек, 46), Бастони, Мхитарян, Чалхонўғли, Барелла, Думфрис, Арнаутович, Мартинес.
«Монца»: Турати, Дамброзио, Иццо, Педру Перейра, Кирякопулос, Дзероли, Бянко, Кастровилли (Лекович, 67), Биринделли, Мота (Ганвула, 66), Кейта Балде.
Шу куни «Интер» ҳам ўз ўйинида икки тўп фарқи билан ортда борди. Лекин миланликлар аутсайдерга қарши ўйинда биринчи бўлимда ҳам сезиларли устунликка эга эди. Ҳисоб 0:1 бўлиб турганида Лаутаро Мартинеснинг голи бекор қилинди. Аммо нерадзурриларнинг собиқ футболчиси Кейта Балде «Монца»нинг устунлигини, мезбонлар танаффусгача ҳисобни қисқартиришга муваффақ бўлишди. 45-дақиқада Арнаутович Думфрис жарима майдонига ташлаб берган тўпни дарвоза тўрига жойлади. Иккинчи бўлимда эса Ҳоқон Чалхонўғли жарима майдони ташқарисидан йўллаган зарбаси билан мувозанатни тиклади.
Бироқ мезбонларда муваффақиятсизлик давом этди, Симоне Индзаги босимни ошириш учун туширган Зелински бир неча дақиқадан сўнг жароҳат олди. Мураббийнинг бахтига «Интер»да яна бир ўзгартириш имконияти қолганди ва жамоалар тенг таркибда ўйинни давом эттирди. «Монца»ни таслим этишда яна бир жокер - Карлос Аугусто ёрдам берди. Унинг узатмасидан кейин Лаутаро зарба берди, тўп рақиб футболчиси орқали дарвозага бориб тушди. «Монца» тобора қуйи лигага тушиб кетишга яқинлашмоқда, амалдаги чемпионлар эса тўрт очколик устунлик билан пешқадамлик қилмоқда, якшанба куни «Наполи» «Фиорентина»га қарши ўйинда жавоб юришини амалга оширади.