Испания футболида янги мавсум арафасида жиддий ўзгаришлар бўлиши кутилмоқда. Хусусан, “Реал” жамоасининг ёш ва иқтидорли бразилиялик вингери Родриго Гоэс жамоани тарк этиши мумкинлиги ҳақидаги маълумотлар янги суръат олмоқда.
“Қироллик клуби”нинг янги бош мураббийи Хаби Алонсо ҳам 24 ёшли ҳужумчининг келажагига тўлиқ ишонч билдирмаяпти. У Родригони мунтазам таркибда майдонга тушириш бўйича аниқ ва кафолатли қарор қабул қилмаган.
Бу вазиятда Родригога Европанинг етакчи клублари — “Ливерпуль” ва “Пари Сен-Жермен” катта қизиқиш билдирмоқда, деб ёзмоқда Defensa Central. Манбанинг таъкидлашича, ҳар икки жамоа ҳам ҳужум чизиғини кучайтириш ниятида ва Родриго уларнинг трансфер режаларида муҳим ўрин тутади.
Шунингдек, футболчининг ўзи ҳам янги чақирувларга очиқ ва юқори даражадаги жамоалардан бирига ўтиш истагида экани қайд этилган. Агар у кетса, Хаби Алонсо аллақачон унинг ўрнини босувчи вариантлар устида иш бошлаган.
Маълумотларга кўра, “Реал”нинг ёзда ўз сафига қўшиб олган иқтидорли вингери — Франко Мастантуоно Родригонинг ўрнини эгаллаши мумкин. Бу футболчи асосан ўнг қанотда ҳаракат қилади ва техник жиҳатдан жуда етарли тайёргарликка эга.
Бундан ташқари, Хаби Алонсо клуб раҳбариятидан яна бир номзодни — ПСЖ вингери Брэдли Барколани жамоага жалб этишни сўраган. Баркола ўтган мавсумда жуда юқори натижалар қайд этган — у 64 учрашувда қатнашиб, 21 та гол киритган ва шунча голли узатма билан жамоадошларига ёрдам берган.
Шундай қилиб, Родригонинг “Реал”дан кетиши эҳтимоли ортиб борар экан, клуб ички захира ва ташқи трансферлар орқали ҳужум чизиғини мустаҳкамлашга интилмоқда. Мухлислар эса бразилиялик юлдузнинг келажаги қандай тус олишини қизиқиш билан кутмоқда.
Mafia: The Old Country получила положительные оценки в Steam
Обзор на мобильную версию A Game About Digging A Hole
DeepMind CEO makes big brain claims, saying AGI could be here within 'five to 10 years' and cause humanity to experience widespread change that's '10 times bigger than the Industrial Revolution, and maybe 10 times faster'
Находи идеальные места для персонажей-фигурок в «Is This Seat Taken?»
В Калининском районе Краснодарского края фрагменты дронов повредили контактную сеть на железной дороге между станциями Величковка и Ангелинская, сообщил оперштаб региона
Поезда в Крым меняют маршруты и график
Восемь поездов, следующих в Крым, отстают от расписания
Аренда квартир в июле 2025 года: за сколько можно снять жильё в Симферополе и Севастополе?
