2025 йилда энг қиммат ва энг арзон интернетга эга давлатлар аниқланди

2025 йилда 60 дан ортиқ мамлакатларда кенг полосали интернет нархи таҳлил қилинди ва сониясига мегабит учун тўловлар бўйича рейтинг тузилди. Рўйхатнинг биринчи ўрнини Бирлашган Араб Амирликлари эгаллади. Бу мамлакатда ўртача нарх сониясига 4,31 доллар – мегабитни ташкил қилади, бу эса интернетни дунёдаги энг қиммат қилмоқда.

Швейцария, Кения ва Марокаш ҳам бир сонияда бир мегабит учун бир доллардан ошиб кетадиган давлатлар қаторига киради. Бу мамлакатларда интернет хизматлари нисбатан қиммат ва баъзи ҳолларда фойдаланувчилар юқори тўловга дуч келади.

Шарқий Европа давлатларида эса нархлар кескин фарқ қилади. Руминияда сониясига мегабит учун атиги 0,01 доллар, Россияда 0,02 доллар ва Полшада 0,03 долларни ташкил қилади. Ушбу мамлакатлар дунёдаги энг арзон интернетга эга бўлиб, тезкор ва қулай тармоқларни тақдим этади.

Осиёнинг бир қатор мамлакатлари, жумладан Ветнам, Хитой ва Жанубий Кореяда ҳам интернет тез ва арзон. Баъзан сониясига мегабит учун тўлов 0,05 долларга тенг бўлиб, фойдаланувчилар учун қулай шарт-шароит яратади.

Америка Қўшма Штатлари нисбатан арзон интернетга эга бўлган мамлакатлар қаторига киради. Бу ерда сониясига мегабит учун ўртача 0,08 доллар тўланади. Шу билан бирга, бошқа ривожланган давлатлар – Франция, Япония ва Германия ҳам жаҳон ўртача кўрсаткичидан пастроқда жойлашган. Бу мамлакатларда сониясига мегабит учун нарх тахминан 0,42 долларни ташкил қилади.