FIFPro 2025 рамзий терма жамоаси эълон қилинди

FIFPro 2025 йилнинг рамзий терма жамоасини эълон қилди. Анъанага кўра, таркибни профессионал футболчилар овоз бериш орқали белгилашди.

Дунё бўйлаб футболчилар тўртта позиция бўйича уч нафардан номзод кўрсатишди: дарвозабон, ҳимоячи, ярим ҳимоячи ва ҳужумчи. Овоз бериш натижаларига кўра, "Пари Сен-Жермен" (ПСЖ) футболчилари энг кўп вакиллик қилди — парижликларнинг беш нафар футболчиси рамзий жамоага кирди.

Шунингдек, "Реал" ва "Барселона" каби испан грандлари ҳам ўз юлдузларини тақдим этишди. FIFPro 2025 рамзий терма жамоаси таркиби қуйидагича: Дарвозабон: Жанлуижи Доннарумма (Италия, ПСЖ / Манчестер Сити) Ҳимоячилар: Виржил ван Дейк (Нидерландия, "Ливерпуль"), Ашраф Ҳакими (Марокаш, ПСЖ), Нуну Мендеш (Португалия, ПСЖ) Ярим ҳимоячилар: Жуд Беллингем (Англия, "Реал Мадрид"), Коъл Палмер (Англия, "Челси"), Педри (Испания, "Барселона"), Витиния (Португалия, ПСЖ) Ҳужумчилар: Усмон Дембеле (Франция, ПСЖ), Килиан Мбаппе (Франция, "Реал Мадрид"), Ламин Ямал (Испания, "Барселона").